Майкл Сэлінджэр. Фідэль Кастра ў Бёрдлэндзе (пер. В. Рыжкоў)

Фідэль Кастра
грае на джаз-гітары ў кавярні Бёрдлэнд
у Нью-Ёрку
26 красавіка 2006
яго акустычная гітара зробленая японцам
які жыве ў Бразіліі
дзе вырасла чырвонае дрэва
для ейнага грыфа
накладка грыфа зробленая з
імпартнага індыйскага чорнага дрэва
пярэдняя дэка
арэгонскі кедар
задняя і абячайкі
з палісандру
размаляванага сінімі кветкамі
калок
слановая косьць з наканечнікам
складаны механізм
трымае восем наладжаных струнаў
дакладнасць, зробленая ў Японіі
на такарным станку з праграмным кіраваньнем
і Фідэль Кастра сьпявае па-партугальску
цешыцца уласнымі тэкстамі
яго левая рука поўзае
ўверх і ўніз па ладах
правая б'е па струнах
так нібыта ён лічыць ноты
на калькулятары
гітарысты і басысты
ківаюць і жартуюць
за яго сьпінай
і Фідэль Кастра сьпявае пра каханьне
і ён сьпявае пра былое каханьне
і ён сьпявае пра новае каханьне
і ён сьпявае пра каханьне, якое, як ён думаў, страціў
але яно было толькі ў зімовай сьпячцы
у тых месцах, дзе ён не
шукаў
Фідэль Кастра крыху пырскае сьлінай
калі сьпявае
кроплі, падсьветленыя блакітным сцэнічным сьвятлом,
нагадваюць старыя кінастужкі,
кветкі кізілу
што страляюць пылком у паветра
пакуль бубнач
выстуквае рытм па тарэлцы
а мы сядзім ля стала
памерам з каналізацыйны люк
зь неімаверна дарагімі напоямі
што пакідаюць
паўкругі на белым абрусе
і мы слухаем
гэтага
Фідэля Кастра
гэтага Фідэля Кастра
які ў 1945
студэнт юрфаку Гаванскага ўнівэрсітэту
пайшоў
за мурынкай бляндынкай на шпільках
у расшытай блёсткамі блакітнай сукенцы
у Трапікана Клаб
дзе слухаў Дызі Гілэспі
канчаткова забыўшыся на сустрэчу
з рудым
на камуністычнай сходцы
гэтага Фідэля Кастра
для якога музыка
гэта рэвалюцыя
Тэксты

Ave
Баляда непадзельнага
Безнадзейна адзінокі верш
Беларусь сямівокая
Вяртайся
дарожныя здарэнні
Загінаючы пальцы
Зялёны чалавечак
калі мы падаем, зоры...
Насуперак
Нічога святога (Ехезкель)
Роспач на продаж
самае цікавае
Справаздача па роспачы
Снег
Сненні падчас палявання
Узмах крыламі
У тэме вады плаваюць нават рыбы
Чорна-белы верш
Эпіграф да маладосці
Я не паэт

З аўдыёкнігі "Дзверы, замкнёныя на ключы"

Майкл Сэлінджэр. Фідэль Кастра ў Бёрдлэндзе
Сяргій Жадан. Марадона
Святая праўда
Гага Нахуцрышвілі. Зімовы веер
дзверы, замкнёныя на ключы
Час праз сваю педантычнасць...
Сяргій Жадан. Жыць з літаратуры
два скрыпачы
Гага Нахуцрышвілі. Я - Напалеон
Мая каралева. Мама...

Пераклады

Гага Нахуцрышвілі. Сумнеў
Сяргій Жадан. Chicago Bulls
Тэйлар Мэйлі. Я магу быць паэтам
Тэйлар Мэйлі. Як напісаць (дрэнны) верш пра палітыку
Уінстан Х'ю Одэн. Блюз уцекачоў

Відэа

Два скрыпачы