Тэйлар Мэйлі. Як напісаць (дрэнны) верш пра палітыку (пер. В. Рыжкоў)

Ну што, пачнем, гэта павінна гучаць гучна,
а потым стане яшчэ гучней.
Бо так трэба пісаць верш пра палітыку
і дэкламаваць яго з сілай.

Вазьмі актуальныя навіны і змяшай з наборам банальнасцяў.
Абгарні гэта ў рыфмы, альбо рэпуй, пакуль не павераць.

Зыр на іх, пакуль не дойдзе.

Бо недзе ў Флорыдзе дагэтуль падлічваюць галасы.
Вы чулі? Недзе ў Флорыдзе дагэтуль падлічваюць галасы!

Глядзі, гэта ўдар, і ў цябе мусіць быць удар.
Болей за позірк, ён гаспадар, гэты ўдар – самая важная частка!
Удар – гэта трапна, удар – гэта кропка,
Удар у самае сэрца ўласна – гэта як пастка.

Бо недзе ў Флорыдзе дагэтуль падлічваюць галасы!

І Дзік Чэйні абасцыцца ў сутаргах захаплення.
Бачыш, што я зрабіў?
Зрабі з палітыкаў клоўнаў, гэта лёгка, асабліва з рэспубліканцамі —
Рудзі Гілані, Колінам Паўэлам і… Альбертам Горам!
Бачыш, што я зрабіў? Я назваў Альберта Гора рэспубліканцам!
Параўнай дзеля смеху персоны і асноўныя палітычныя партыі,
быццам камунізм гэта дэмакратыя наадварот,
быццам нам быў патрэбны не Ральф Нэйдэр, а Дарт Вэйдэр.

…Зноў залунае наш штандар, палыхне ўначы пажар… —

спыніцеся пасярэдзіне песні, якую ўсе ведаюць і любяць.
Гэта надасць вершу актуальнасці.
Бо палітычныя вершы заўсёды актуальныя.
Нельга марнаваць час!
Карупцыя працуе ў тры змены,
сквапнасці пофіг, якога ты колеру
і паліцэйскі аддзел Нью-Ёрку
набіты людзьмі, якія носяць зброю на сцёгнах
і бляхі, прышпіленыя да сэрцаў.
Несправядлівасць - не несправядлівасць,
гэта не справа для нас, не праўду і веды лілі ў вас,
правялі праз правады ў вас несправядлівасць.
Трэпанацыя трэба нацыі,
дзеля якой ты змагаешся за свабоду,
Спяваць для глухіх – слабо, да?

І нават калі я гэта кажу, недзе ў Флорыдзе дагэтуль падлічваюць галасы.

І гэта вымушае мяне зрабіць біт-бокс да рэпу:

Бо я бачыў капітуляцыю і прыватызацыю
я магу казаць з большай артыкуляцыяй
пра інфляцыю і атамную радыяцыю
я глядзеў прэзідэнтскую інаўгурацыю
але больш паважаю мультыплікацыю
я буду мець рацыю, калі раскрыю інфармацыю,
што слэм-акцыі — гэта маніфестацыі
паэтычнай мастурбацыі і эгаістычнай эякуляцыі…

Паболей цікавых рыфмаў на «-ацыя»!

А ў Флорыдзе дагэтуль падлічваюць галасы,
і пакуль ты скончыш верш,
гэта ўжо будзе няважна.

Усё што ты можаш зрабіць —
заплюшчыць вочы,
прыцішыць голас і скончыць верш, паўтараючы:

той самы радок тры разы
той самы радок тры разы
той самы радок тры разы
Тэксты

Ave
Баляда непадзельнага
Безнадзейна адзінокі верш
Беларусь сямівокая
Вяртайся
дарожныя здарэнні
Загінаючы пальцы
Зялёны чалавечак
калі мы падаем, зоры...
Насуперак
Нічога святога (Ехезкель)
Роспач на продаж
самае цікавае
Справаздача па роспачы
Снег
Сненні падчас палявання
Узмах крыламі
У тэме вады плаваюць нават рыбы
Чорна-белы верш
Эпіграф да маладосці
Я не паэт

З аўдыёкнігі "Дзверы, замкнёныя на ключы"

Майкл Сэлінджэр. Фідэль Кастра ў Бёрдлэндзе
Сяргій Жадан. Марадона
Святая праўда
Гага Нахуцрышвілі. Зімовы веер
дзверы, замкнёныя на ключы
Час праз сваю педантычнасць...
Сяргій Жадан. Жыць з літаратуры
два скрыпачы
Гага Нахуцрышвілі. Я - Напалеон
Мая каралева. Мама...

Пераклады

Гага Нахуцрышвілі. Сумнеў
Сяргій Жадан. Chicago Bulls
Тэйлар Мэйлі. Я магу быць паэтам
Тэйлар Мэйлі. Як напісаць (дрэнны) верш пра палітыку
Уінстан Х'ю Одэн. Блюз уцекачоў

Відэа

Два скрыпачы