Андрэй Адамовіч. Малако

Усё, што цікавіць майго сына цяпер, – гэта малако.
А жонка ўвесь час кажа, каб я напісаў пра Міхала верш.

Сёння яна паклала яго мне на грудзі.
І вось вельмі ж дзіўны сон прыснілі бацька і сын.

Спачатку было страшна, а пасля Міхал аддзяліў малако ад малозіва.

І ў краме мы расплачваліся малаком за малако.
І прымушалі малако шыхтавацца.
І маліліся на малако.
І абражалі малако.
І лілі малако на зямлю.
І кідалі ў малако хлеб.

А Міхал піў малако.
А я не піў, бо ад малака мяне цягне на ваніты.

А пасля я раскрыў парасон, і з неба палілося малако.
А Міхал патлумачыў, што сусветны патоп быў не вячэраю, а сняданкам.

І мы бачылі, як разлілася Вавілонская вежа.
І мы бачылі, як патанула Троя.

І мы бачылі, як Зянон сам не верыць у свае апорыі.
А Міхал сказаў, што ён верыць.

І мы ішлі па беразе акіяну.
А я трымаў далонь сына ў сваёй.

І вялікія малочныя хвалі накрывалі ўзбярэжную прысыпку.
І нітачка далягляду была нітачкаю Міхалавай усмешкі.

Я прачнуўся ад таго, што Міхал біў мяне кулаком у грудзі.
Бо ён лёгка адрознівае сапраўднае малако ад прымроенага.

Чамусьці я не хачу, каб гэты верш прачытаў мой сын.
Тэксты


Таўсціла і лешч (урывак з навелы)

Дзень паэзіі
Падчас чакання букалічнае элегіі
Кантрапункты
Не будзіце яе
Я хацеў бы жыць на востраве…
Яна ведае пахі сноў…
Шостае вяртанне
Каляднае
Айцец Піё думае пра СПА
Хайдэгер Лох
Гэта зімо нвт мае врш сталі крцейшы…
Я сёння зайшоў у Вікіпедыю…
Калі паміраюць паэты…
Верш на Свабоду
Выходзіш на двор з разбітымі кулакамі…
Мае яйцы
Беларуская мова Ш.

Смерці дзень

Смерць у Вільні
Воўк
Калі паедзеш да мяне, малы, цягніком на поўнач...
Мой Хрысце, табе прывітанне ў Тора-Бору і ў Гаўтаму...
Хрыстова пупавіна
Малако
Італійцы
Габрыель Гарсія Маркес
Заўсёды твой, маленькі Хуан Пабла
Цвік, каторы заўсёды з табою
Новае жыццё
Нават самымі спякотнымі…
Барбі і Кен шацкага разліву
Халат
Паўгода
Хвалі
Баба Мароз і чырвоны стос
Замовы
Ад крызісу

Дзень паэзіі смерці дзень

Дзень паэзіі смерці дзень

Відэа


Цвік, каторы заўсёды з табою